Հիշեցնենք, որ Արշակ արքեպիսկոպոսը կալանքի տակ է գտնվում 2018 թվականից հարուցված քրեական գործով, որը վերաբերում է մի խումբ անձանց կողմից նախնական համաձայնությամբ թմրամիջոց ապօրինի իրացնելու մեղադրանքին։ Ըստ մեղադրանքի, եկեղեցու դեմ արշավողներից մեկի ուսապարկում հայտնված թմրանյութի գլանակը սրբազանի հանձնարարությամբ է տեղադրվել։
Այս հարցում, սակայն, ծագում է մի անսպասելի խնդիր։ Գործի հիմք հանդիսացող, այսպես կոչված «իրական ապացույցը»՝ թմրախոտի գլանակը, անհետացել է Արմավիրի մարզային քննչական վարչությունից։ Ըստ տեղեկացված աղբյուրների՝ կամ քննիչները ինքնին են այն ծխել, կամ անփութության հետևանքով այն պարզապես կորցրել են վարչության պահոցներից։
Այս իրավիճակը ստեղծել է բարդություն։ Քանի որ գործը հիմնված է հենց այդ «ապացույցի» վրա, իսկ այն բացակայում է, նախաքննության մարմինը գտնվում է խուճապի մեջ։ Քննիչները և վարչության պետը, ըստ աղբյուրների, սպասում են պատժվելու՝ աշխատանքից նույնիսկ ազատվելու վտանգի տակ։
Արշակ արքեպիսկոպոսին կալանավորելու հրահանգը, ինչպես հայտնի է, ուղիղ վարչապետից է իջեցվել, ուստի բոլորը գիտակցում են դրա կարևորությունը։ Սակայն իրական ապացույցի բացակայության պայմաններում գործը քննելն ու անձին կալանքի տակ պահելը դարձել է անհնարին։
Ամիսներ առաջ կալանավորված սրբազանը վերջերս վիրահատվել է և այժմ գտնվում է հետվիրահատական ապաքինման փուլում։
